ადრიანეს მოგონებები

“ადრიანეს მოგონებები”, რომელიც ერთდროულად რომანიცაა, ისტორიაც და პოეზიაც, ფრანგულმა და საერთაშორისო კრიტიკამ მნიშვნელოვან ლიტერატურულ მოვლენად აღიარა. დიდი რომაელი იმპერატორის მოგონებების შეთხზვით მარგერიტ იურსენარმა “შიგნიდან გადააკეთა ის, რის გადაკეთებასაც მე-19 საუკუნის არქეოლოგები გარედან ეცადნენ”. ადრიანე საკუთარი ცხოვრებისა და პოლიტიკური მოღვაწეობის მკაცრი შემფასებელია. “მივიჩნევდი, რომ სამყაროს სილამაზეზე პასუხისმგებელი მხოლოდ მე ვიყავი“, – ამბობს გმირი, რომლის პრობლემები არაფრით განსხვავდება ყველა დროის ადამიანის პრობლემებისგან. ესაა საფრთხეები, ცივილიზაციებს რომ ჩასაფრებიან; ესაა ჰარმონიის მარადი ძიება ბედნიერებასა და „უზენაეს დისციპლინას“ – ადამიანის გონიერებასა და ნებას შორის.