ქარჩხაძის გამომცემლობა

ალბათ გაგიგონია სამი მამაცი რაინდის – ტარიელის, ავთანდილისა და ფრიდონის ამბავი. იცი თუ არა, ვის ეძებდა ვეფხვის ტყავით შემოსილი ტარიელი მრავალი წლის მანძილზე? გსმენია თუ არა გრძნეული ქაჯებისა და მათი აუღებელი ციხესიმაგრეების შესახებ? სამი ერთგული მეგობრის კავშირს შეუძლებლის გაკეთებაც კი ძალუძს. გადაშალე ეს ულამაზესი წიგნი, რომელიც ძალზე ძველ და საოცრად ამაღელვებელ ამბავს მოგითხრობს.

1 მარტიდან  ”ქარჩხაძის გამომცემლობა” და გამოცდების ეროვნული ცენტრი იწყებენ ერთობლივ აქციას ჩვენ ერთად ვავრცელებთ ცოდნას!

თუ თქვენ ხართ საქართველოს სკოლის სერტიფიცირებული პედაგოგი, ან 2012 წლის ეროვნულ გამოცდებში გასული სტუდენტი და ყველა ჩაბარებულ საგანში საშუალოზე მეტი ქულა გაქვთ მიღებული, ან მიმდინარე წლის სასკოლო ოლიმპიადის მესამე ტურის მონაწილე მოსწავლე, შეგიძლიათ დარეგისტრირდეთ ჩვენს ვებსაიტზე და ავტომატურად მოგენიჭებათ 17% ფასდაკლება ჩვენს ნებისმიერ წიგნზე!

ქარჩხაძის გამომცემლობამ დაიწყო ახალი სერია “მსოფლიოს ცნობილი ბალეტები და ოპერები 3-განზომილებიან ხმოვან წიგნებად”. გამოვიდა სერიის პირველი წიგნი “მაკნატუნა“. პეტრე ჩაიკოვსკის მუსიკის თანხლებით ბავშვებს შეეძლებათ გაეცნონ ამ არაჩვეულებრივ საშობაო ამბავს. წიგნს თან ერთვის აუდიო CD, რომელზეც ჩაწერილია სრული “მაკნატუნა – სიუიტა” ცნობილი დირიჟორის ვახტანგ ჟორდანიას შესრულებით.

მეორე წიგნი ამ სერიიდან, რომელზეც უკვე მიდის მუშაობა, იქნება “ჯადოსნური ფლეიტა”, ვოლფგანგ ამადეუს მოცარტის ამავე სახელწოდების ოპერის მიხედვით.

მოგესალმებათ “ქარჩხაძის გამომცემლობის“ განახლებული ვებ-გვერდი.

დღეიდან ჩვენ გთავაზობთ ახალ სერვისს. თქვენ შეგიძლიათ სასურველი წიგნი ინტერნეტ- შესყიდვის გზით შეიძინოთ.

ჩვენ დამატებითი გადასახადის გარეშე მოგაწვდით წიგნებს თბილისში თქვენს მიერ მითითებულ მისამართზე, ხოლო საქართველოს რეგიონებში – ამ რეგიონის ლიბერთი ბანკის ფილიალში მოკითხვამდე.