მხატვარი. 1989 წ. დაამთავრა თბილისის სამხატვრო აკადემია. გაფორმებული აქვს 50-ზე მეტი სპექტაკლი თბილისის კ. მარჯანიშვილის, მ. თუმანიშვილის, ოპერისა და ბალეტის, მოზარდ მაყურებელთა თეატრებში, თეატრალურ სარდაფში, ჰააგის თეატრში და სხვ. მოწყობილი აქვს ოთხი პერსონალური გამოფენა, ასევე მონაწილეობს ჯგუფურ და თემატურ გამოფენებში. მისი ნამუშევრები ინახება საქართველოს, დიდი ბრიტანეთის, აშშ-ის, ნიდერლანდებისა და სხვ. კერძო კოლექციებში. გაფორმებული აქვს ასევე რამდენიმე წიგნი, მათ შორის მნიშვნელოვანია “საბავშვო ვეფხისტყაოსანი” და “ქართული ჯადოსნური ზღაპრები”.