იდემ სბეფემი სტუმრად ჩამოდის

ნუთუ მართლა საკუთარი ნებით ჩამოვიდა იდემ სბეფემი ასი ამელიკოდან? იქნებ სდევნიდნენ, ან იქნებ მობეზრდა მეფობა და ახალი სამყაროს გაცნობა გადაწყვიტა? მაშ შენც შეაბიჯე ახალ სამყაროში და გაიგე, ვის უნდა რომ დაეპატრონოს ასივე ამელიკოს – და იქნებ მთელ სამყაროსაც! იმოგზაურე უძველეს შრეებში, დაუსხლტი მძვინვარე არსებებს, და რაღა თქმა უნდა, იბრძოლე ბოროტების წინააღმდეგ. სამართლიანობამ უნდა იზეიმოს, მაგრამ შეძლებენ თუ არა იდემი და მისი მეგობრები მზაკვარი შორშეს გეგმების ჩაშლას? ნესტან კუპრავას ეს საოცარი წიგნი, რომელიც 2020 წლის საბავშვო ლიტერატურის კონკურსის „ოქროს ბუმბულის“ გამარჯვებული გახდა, ინტერესითა და ხალისითაა დამუხტული და უშრეტი ფანტაზიის ნაკადს ბადებს.